انسحاب الشمس عمره ما يفسر بالهزيمه

همس الجروح · 07-04-2009, 08:23 AM

اهلا وسهلا بك في منتديات سحايب الوسمي عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شي طبيعي مـن يحـب يغيـر .. معلومـه قديمـه
الجديـد انّـك علـي تْغيـر فـي عِـزّ الخيـانـه !!

خاين .. وحـب التملّـك فيـك لـه معنـى وقيمـه
ياخي ارحـم مـن يـذوق بغيرتـك "طعـم الإهانـه"

لـو تجاملنـي وتسكـت .. لاالْْتّمـادى فِ الجريمـه
كافـي انـي كنـت اخبّـي عنْـك أسـرار الإدانــه

ليت حظّك مثْل حظّـي .. مـن ظـلام اليـا ظليمـه
كان قلبك ماحرمنـي مـن غـلاه .. ومـن حنانـه

كنت ما بيني وبينـي.. ( طفـل )يهوانـي واهيمـه
لين صرت الله عليـك ( انسـان يجرحنـي كيانـه )

من عشانه كنت اضَحّي .. وانتصر له فِ الهزيمـه ؟؟
من عشانه يرحم امّك ؟؟ من عشانه .. من عشانه ؟؟

انت لو تحسـب حسـاب الغـدر فـي نيّـة سليمـه
خفـت مـن ربّـك , لأنّـي معتبـر حبّـك أمـانـه

والله ان الحـب أسمـى .. والقـدر لـه والحشيمـه
ماهو انـت اللـي تشـوّه سمعتـه وتهـز شانـه !!

علّمتنـي ذكرياتـي .. خـصْ لا صــارت أليـمـه
أبتسـم قـدّام جرحـي .. واطلـق لصمتـي عنانـه

إبتسمـت اليـن صـارت بسمتـي فينـي مقيـمـه
يعني من كثرة جروحي .. بسمتـي تحتّـل خانـه !!

حاول اتفسّر غيابـي صـح .. مـن قبـل العزيمـه
لجل اسهّلها .. تراني (شمـس) .. وغْيابـي رزانـه

وانسحـاب الشمـس عمـره مـا يفسّـر بالهزيمـه
إنسحـاب الشمـس قـوّه .. لا تفكّرهـا جبـانـه !!

:×:

فآصلهـ بيضآء’

أوّل لقا قالت :
(ترى لـك شجونـي)
وآخر لقا قالت : [ أحبّـك ] وصاحـت

ياليتهـا..
مافارقـت عـن جفـونـي
أو ليتهـا ..
ماجاتـنـي واستـراحـت

واللي ذبح قلبي .. وسهّـر عيونـي
تحبّني
.. وتموووت فيني ..
ورااحت
ورااحت

ممآ رآق لي

دانة محمد · 07-04-2009, 12:17 PM

وانسحـاب الشمـس عمـره مـا يفسّـر بالهزيمـه
إنسحـاب الشمـس قـوّه .. لا تفكّرهـا جبـانـه !!

تسلم يمناج همس ع الكلمات الروووووعه

تحياتي

@ وافــي العهــد @ · 07-04-2009, 01:12 PM

خاين .. وحـب التملّـك فيـك لـه معنـى وقيمـه
ياخي ارحـم مـن يـذوق بغيرتـك "طعـم الإهانـه"

همس تسلمين وتسلم يمينج ويسلم ذوقج

رائع مانقلته ذائقتج لنا دمتي مميزه

حبيبة سالم · 07-04-2009, 08:44 PM

همــــــــــــــــــــــــــــــوسه

كلمااااااااااااات جدا راااااااااااائعه

هموسه دائما مبدعه بنقلك المميـــــــــــــــــــــز

ننتظر من همس كل جديد

تقبلي مروري

حبيبة سالم

الوفيه · 07-05-2009, 05:44 PM

تسلمين اختي همس الجروح على الكلمات الروووعه..

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)